Կորոնավիրուսի ախտորոշիչ թեստեր տրամադրվեց Կապանի բժշկական կենտրոնին

Աշխարհում նոր կորոնավիրուսի համաճարակի  բռնկման առաջին օրվանից Չաարատ  Կապան ՓԲ ընկերության ղեկավարության  ուշադրության կենտրոնում  է հանրային  առողջությունն ու աշխատակիցների անվտանգության պահպանումը, որին ուղղված ընկերությունը իրականացնում է տարատեսակ ծրագրեր  Կապան համայնքում:

Հերթական նախաձեռնությունը  Կապան   համայնքի համար կարևոր ու առաջնայիններից է: Ընկերությունը ձեռք է բերել նոր տիպի  կորոնավիրուսի ախտորոշիչ  2019-n COV igG/IgM  ռապիտ թեստեր,  որոնք անհատույց տրամադրվեց  Կապանի բժշկական կենտրոնին՝ անհրաժեշտության դեպքում դրանք կիրառելու  համայնքի բնակիչների և   ընկերության  աշխատակիցների համար:

Բժշկական կենտրոնի տնօրեն Կարեն Մելքոնյանի խոսքով, արագ  թեստերի օգնությամբ հնարավոր կլինի կանխել վարակի տարածումը:

<<Չաարատ Կապանը կրկին հանդես է եկել այս օրերի համար  կարևոր  նախաձեռնությամբ, ինչի համար շնորհակալ ենք, այս  աջակցությունը մեծ  խնդիր է լուծելու մեր համայնքի բնակիչների համար, հանրային առողջության պահպանմանն ուղղված միջոցառումների իրականացման գործընթացում>>,- նշում է Կարեն Մելքոնյանը:

Ռապիտ թեստերն ապահովում են 92 տոկոս ճշգրտություն և  անհայտ հիվանդի դեպքում, որը դեռևս պարզ չէ, որ օջախից է ներգրավվել, հիվանդանոց կամ պոլիկլինիկա դիմելու դեպքում առաջնահերթ կկատարվի թեստավորում ու  հնարավոր  կասկածի առկայության դեպքում կարվի այլ հետազոտություններ՝ կանխելով  հնարավորինս շատ թվով մարդկանց ներգրավվածությունն ու  վարակվելու ռիսկերը:   Թեստերը հասանելի են  լինելու Կապանի պոլիկլինիկայում և հիվանդանոցում, որոնք անվճար կիրականացվեն վարակի ախտանիշ ունեցող բնակիչներին:

Ընկերությունն ախտորոշիչ թեստեր հանձնեց նաև <<Սյունիքի մարզային նյարդաբուժական դիսպանսեր>> ՓԲԸ-ին: Չաարատ Կապան ընկերությունն աշխատանքներ է տանում  ձեռք բերելու  նոր թեստեր ևս, որոնք կրկին անվճար կտրամադրվեն   բժշկական կենտրոնին:

Չաարատի ղեկավարությունը շարունակելու է իր ուշադրության կենտրոնում  պահել  համաճարակի կանխարգելման ուղղված միջոցառումների իրականացմանն ուղղված ծրագրերն ու իր աշխատակիցների անվտանգությունը:

Վստահ ենք, որ  համատեղ ուժերով   շուտով հաղթահարելու ենք  այս դժվարին ժամանակահատվածը: